කිසියම් දැවැන්ත ප්රහාරයක් සඳහා අවි ආයුධ ගබඩා කරගෙන සිටි දෙමළ ජාතික සැකකරුවන් තිදෙනෙක් අත්අඩංගුවට ගැනීම සඳහා ත්රස්තවාදී විමර්ශන ඒකකය මහජන සහාය පතයි.
ඉකුත් ජූලි මස 21 වැනිදා කිරිබත්ගොඩදි ත්රිරෝද රථයකින් යමින් සිටි තරුණයකු ටී- 56 අවියක් සමග අත්අඩංගුවට ගැනීමෙන් පසු මෙම ප්රහාරය පිළිබඳ තොරතුරු අනාවරණය විය. එම සැකකරුගෙන් ප්රශ්න කිරීමේදී හෙළි වූ තොරතුරු මත වවුනියාව ප්රදේශයේ නිවසක සඟවා තිබූ අත්බෝම්බ තොගයක් ද පොලිසිය සොයාගෙන තිබිණි.
එම අත්බෝම්බ කොළඹට රැගෙන ඒමට සූදානම් කර තිබූ බවද පසුව හෙළි විය. එම අත්බෝම්බ ගබඩා කරගෙන සිටි සැකකරුවන් තිදෙනා පිළිබඳ සියලු තොරතුරු ත්රස්තවාදී විමර්ශන ඒකකය මගින් මේ වනවිට හෙළි කරගෙන ඇත.
අත්අඩංගුවට ගැනීමට නියමිත සැකකරුවන් පිළිබඳ විස්තර මෙසේය.
ශිවරුපා සුජීපන් ගාන්ධි නගර්, සේයකුලම් පදිංචි 30 හැවිරිදි පුද්ගලයෙකි.
27 හැවිරිදි ඉලන්කෝ සෙට්චින්නන් මැණික්හාමි සෙට්ටිකුලම් පදිංචිකරුවෙකි.
මහේන්දිරන් යෝගරාජා 27 හැවිරිදි වියේ පසුවන අරාලි බටහිර වඩුකොට්ටෙහි පදිංචිකරුවෙකි.
මොවුන් පිළිබඳ තොරතුරු මෙතෙක් ත්රස්තවිමර්ශන ඒකකයේ 0718591966 හෝ 0718596150 දුරකථන අංක වෙත දැනුම් දෙන ලෙස පොලිසිය මහජනතාවගෙන් ඉල්ලා සිටියි.
- හේමන්ත රන්දුණු (Divaina)
ප්රතිචාරයක් ලබාදෙන්න