කුරුණෑගල නිවසකින් සොයාගත් රුපියල් මිලියන 280ක මුදලට සම්බන්ධ ප්‍රධාන සැකකරු ‘රන් මල්ලි’ යන අනවර්ථ නාමයෙන් හඳුන්වන පුද්ගලයකු ලෙස පොලිසිය හඳුනාගෙන තිබේ.
ඔහු රටින් පළාගිය අපරාධකරුවකු සහ කුප්‍රකට මත්ද්‍රව්‍ය ජාවාරම්කරුවකු වන ‘හරක් කටා’ ගේ සමීප සහකරුවකු බව පොලිසිය පවසයි.
මත්ද්‍රව්‍ය ජාවාරමෙන් ලැබුණු බව විශ්වාස කෙරෙන මෙම මුදල් මැඩගස්කරයේ මැණික් මිලදී ගැනීම සම්බන්ධ මුදල් විශුද්ධිකරණ මෙහෙයුමක් සඳහා භාවිත කිරීමට අදහස් කර ඇති බව පොලිස් මත්ද්‍රව්‍ය කාර්යාංශය ප්‍රකාශ කළේය.
ශ්‍රී ලංකාවේ මත්ද්‍රව්‍ය ජාවාරම්කරුවකුගෙන් මෙතෙක් අත්අඩංගුවට ගත් විශාලතම මුදල් ප්‍රමාණය මෙයයි.
සැකකරුවකු එම ස්ථානයේ දී අත්අඩංගුවට ගෙන ඇති අතර, විදේශයක සැඟවී සිටින බව වාර්තා වන රන් මල්ලි අත්අඩංගුවට ගැනීමට උත්සාහ දරමින් සිටින බවත් වාර්තා වේ.
ප්‍රතිචාරයක් ලබාදෙන්න