පොදු ප්‍රවාහනය වැඩිදියුණු කිරීමේ මූලික පියවරක් ලෙස නවීන සහ සුවපහසු, දියුණු තාක්ෂණයන් සහිත බස්රථ සමූහයක් නියමු ව්‍යාපෘතියක් ලෙස හඳුන්වා දීමට කටයුතු කරන බව ජනාධිපති අනුර කුමාර දිසානයක මහතා පවසයි.
ඒ අනුව, කොළඹ නගර ප්‍රදේශය තුළ ප්‍රධාන මාර්ග කොරිඩෝ තුනක් ඔස්සේ මගී ප්‍රවේශය සඳහා පහත් පතුලක් සහිත (low floor buses) සැපපහසු බස් රථ 100ක් යෙදවීමට අපේක්ෂා කරන බව ජනාධිපතිවරයා පවසා සිටියේය.
ඒ සඳහා රුපියල් මිලියන 3,000ක් වෙන්කිරීමට යෝජනා කර ඇත.
මීට අමතරව, ශ්‍රී ලංකා ගමනාගමන මණ්ඩලය විසින් මගී ප්‍රවේශයට පහසු, පහත් පතුලක් සහිත බස් රථ 200ක් ඔවුන්ගේ අරමුදල් යොදාගනිමින් සේවයේ යෙදවීමට ද කටයුතු කර ඇති බව ද ජනාධිපතිවරයා පැවසීය.
ප්‍රතිචාරයක් ලබාදෙන්න