BBNJ සාමාජිකත්වයට 60වන රටත් එක්වීම සැමරීම සඳහා නිව්යෝර්ක් හිදී පවත්වනු ලැබූ උත්සවයට ජනාධිපති අනුර කුමාර දිසානායක මහතාද සහභාගි වි තිබේ.
අමෙරිකාවේ පැවති එක්සත් ජාතීන්ගේ මහා මණ්ඩලයේ 80 වන සැසිවාරයට එක්වූ අවස්ථාවේදී මේ සඳහා සහභාගි වූ බව ජනාධිපති මාධ්ය අංශය පැවසීය.
ජාතික දේශ සීමාවට ඔබ්බෙන් පිහිටි ප්රදේශවල සමුද්ර ජෛව විවිධත්ව සංරක්ෂණය සහ තිරසාර භාවිතය සම්බන්ධ සාගර නීතිය පිළිබඳ එක්සත් ජාතීන්ගේ සම්මුතිය යටතේ වන ගිවිසුම මෙලෙස ‘BBNJ’ ලෙසින් හඳුන්වනු ලැබේ.
ඒ සඳහා රටවල් 60ක් සම්පූර්ණ වීම නිමිත්තෙන් ප්රංශ රජය විසින් මෙම උත්සවය සංවිධානය කර තිබුණි.
ප්රංශ ජනාධිපති එමානුවෙල් මැක්රොන් මහතා ඇතුළු සෙසු රටවල රාජ්ය නායකයන් රැසක් ඒ සඳහා එක්ව ඇත.
මෙම ගිවිසුමට එක් වූ 58වන සාමාජික රට ශ්රී ලංකාව වන අතර, 2025 සැප්තැම්බර් 16වනදා ඊට අදාළ ගිවිසුමට එළැඹ තිබේ.
ලෝකයේ සාගරවලින් 2/3ක් ආවරණය කරන මෙම ගිවිසුමෙන්, සාගර ජෛව විවිධත්වය ආරක්ෂා කිරීමට, තිරසාර ලෙස භාවිත කිරීමට සහ ස්වදේශීය අධිකරණ බලයෙන් ඔබ්බට වූ ප්රදේශවලට එම ජෛව විවිධත්ව ප්රතිලාභ බෙදා ගැනීමට කටයුතු කෙරේ.
මෙම ගිවිසුම 2026 ජනවාරි 17 වන දින සිට නිල වශයෙන් ක්රියාත්මක වීමට නියමිතය.
ප්රතිචාරයක් ලබාදෙන්න