කිලිනොච්චිය, ධර්මපුරම් ප්රදේශයේ සිදුවූ යතුරුපැදි අනතුරකින් තරුණයින් දෙදෙනෙකු ජීවිතක්ෂයට පත්ව තිබේ.
පොලීසිය සඳහන් කළේ, මුලතිව් දෙස සිට ධර්මපුරම් ප්රදේඹය දෙසට ගමන්කළ යතුරුපැදියක් ඉදිරියෙන් ගමන් කරමින් තිබූ ලෝඩර් රථයක ගැටීමෙන් මෙම අනතුර සිදුව ඇති බවය.
ඊයේ(03) රාත්රි 10.45 ට පමණ මෙම අනතුර සිදුව තිබුණි.
අනතුරින් යතුරුපැදියේ ගමන්ගත් ධර්මපුරම් ප්රදේශයේ පදිංචි වයස අවුරුදු 19ක් වූ තරුණයින් දෙදෙනෙකු ජීවිතක්ෂයට පත්ව ඇති බවද පොලීසිය පැවසීය.
මියගිය තරුණයින්ගේ මළ සිරුරු කිලිනොච්චිය රෝහලේ මෘත ශරීරාගාරයට යොමුකර ඇති අතර, පශ්චාත් මරණ පරීක්ෂණ එහිදී පැවැත්වීමට නියමිතය.
සිද්ධිය සම්බන්ධයෙන් ධර්මපුරම් පොලීසිය වැඩිදුර පරීක්ෂණ සිදුකරමින් පවතී.
ප්රතිචාරයක් ලබාදෙන්න