පාස්කු ඉරිදා ප්‍රහාරය සම්බන්ධයෙන් විමර්ශනයක් පවත්වන බවත්, පිල්ලයාන්ගේ හිටපු සම්බන්ධීකරණ ලේකම්වරයා වූ අසාත් මවුලානාට අනුව, පාර්ලිමේන්තු මන්ත්‍රී ජෝසප් පරරාජසිංහම් ඝාතනය සම්බන්ධයෙන් මඩකලපුව බන්ධනාගාරයේ සිරදඬුවම් විඳිමින් සිටි පිල්ලයාන් පාස්කු ඉරිදා ප්‍රහාරය සංවිධානය කළ ආකාරය පිළිබඳව තොරතුරු අනාවරණය වී ඇති බවත් ජ්‍යෙෂ්ඨ ආරක්ෂක නිලධාරියකු ඩේලි මිරර් පුවත්පතට පවසා ඇත.
මවුලානා දැනටමත් චැනල් 4 නාළිකාව ඔස්සේ සහ ජිනීවාහි එක්සත් ජාතීන්ගේ මානව හිමිකම් කවුන්සිලය වෙත මෙම හෙළිදරව් කිරීම් සිදුකර ඇත.
නුදුරු අනාගතයේ දී ස්විට්සර්ලන්තයෙන් ගෙන්වා ගැනීමට නියමිත බව පැවසෙන පාස්කු ඉරිදා ප්‍රහාර විමර්ශනයේ ප්‍රධාන සාක්ෂිකරුවෙකු වන මවුලානා, ගෝඨාභය රාජපක්ෂට බලයට ඒමට ‘අනාරක්ෂිත’ රටක් අවශ්‍ය වූ බැවින්, පාස්කු ප්‍රහාරය සම්බන්ධයෙන් ගෝඨාභය රාජපක්ෂ සහ හිටපු රාජ්‍ය බුද්ධි සේවයේ අධ්‍යක්ෂ සුරේෂ් සලේ පිල්ලයාන් සමඟ එක්ව කටයුතු කර ඇති බවට චෝදනා කර ඇති බව එම ආරක්ෂක නිලධාරියා පවසා ඇත.
ප්‍රතිචාරයක් ලබාදෙන්න