කම්කරු හා මහජන සම්බන්ධීකරණ අමාත්යවරයා ලෙස කටයුතු කළ වසර දෙක තුළදී එනම් 2010.03.31 වැනිදා හා 2012.03.31 වැනිදා කාලය අතරතුරදී සිය වැටුපෙන් හා ඉපැයීම්වලින් උපයාගත නොහැකි රුපියල් කෝටි 15කට අධික මුදලක් යොදවා අති සුඛෝපභෝගි වාහන, ඉඩකඩම් ඇතුළු දේපළ මිලදී ගැනීම ඇතුළු චෝදනා යටතේ හිටපු අමාත්ය මර්වින් සිල්වාට එරෙහිව අල්ලස් හෝ දූෂණ විමර්ශන කොමිෂන් සභාව විසින් ඊයේ (27දා) කොළඹ මහාධිකරණය හමුවේ නඩු පවරනු ලැබීය.
රාජ්ය හා පෞද්ගලික බැංකුවල පවත්වාගෙන ගිය ගිණුම් 48ක් මගින් එකී දේපළ යානවාහන මිලදී ගැනීම, එකී බැංකුවලින් ලබාගත් ණය පියවීම සඳහා මුදල් වැයකිරීම, එකී මුදල් හා දේපළවල හිමිකාරීත්වය දැරීම, එකී මුදල් හා මුදල් නොවන දේපළ අල්ලස් පනතේ 23 (අ) 1 වගන්තිය යටතේ අල්ලස්වලින් හෝ අල්ලස්වලින් අත්පත්කරගත් යම් දේපළවලින් පරිවර්තනය කර ඇති දේපළ ලෙස සලකනු ලබන හෙයින් අල්ලස් පනතේ 23 (අ) 3 වගන්තිය යටතේ දඬුවම් ලැබිය හැකි වැරදි සිදුකර ඇතැයි එමගින් චෝදනා නඟා තිබිණි.
අල්ලස් හෝ දූෂණ විමර්ශන කොමිෂන් සභාවේ අධ්යක්ෂ ජනරාල් රංග ශ්රීනාත් අබේවික්රම දිසානායක මහතාගේ අත්සනින් ගොනුකර තිබූ එම අධිචෝදනා පත්රයේ සඳහන් විත්තිකාර කොළඹ 5 උiාන පාර අංක 7/ 296 දරන ලිපිනයේ පදිංචි හේවා කොපරගේ මර්වින් සිල්වාට එරෙහිව එකී චෝදනා සනාථ කිරීමට පැමිණිල්ලේ සාක්ෂිකරුවන් විශාල පිරිසක් නම් කොට තිබිණි.
ප්රතිචාරයක් ලබාදෙන්න