හෙළ සිනමාවේ නිළි රැජින, අභාවප්රාප්ත මාලනී ෆොන්සේකා මහත්මියගේ දේහය මහජන ගෞරවය සඳහා ජාතික චිත්රපට සංස්ථාවේ තරංගනී ශාලාවේ මේවනවිට තැන්පත් කර තිබේ.
දේහය අද සිට මහජන ගෞරව සඳහා ජාතික චිත්රපට සංස්ථා පරිශ්රයේ තැන්පත් කර තැබෙන අතර හෙට දිනයේ නිදහස් චතුරස්ර මන්දිරයේදී ද මහජන ගෞරව දැක්වීමට අවස්ථාව සලසා දී ඇති බව පවුලේ ඥාතීන් පැවසීය.
මේවනවිටත් මාලනි ෆොන්සේකා මහත්මියට අවසන් ගෞරව දැක්වීම සඳහා විශාල පිරිසක් ජාතික චිත්රපට සංස්ථාවේ තරංගනී ශාලාවට පැමිණෙමින් සිටී.
කලක් රෝගාතුරව සිටී මාලනී ෆොන්සේකා මහත්මිය ඊයේ අලුයම කොළඹ පෞද්ගලික රෝහලකදී අභාවප්රාප්ත වුණි.
1947 වසරේ අප්රේල් මස 30 වනදා උපත ලැබූ ඇය මිය යන විට 78 වන වියේ පසුවිය.
මාලනී ෆොන්සේකා මහත්මියගේ දේහය පිළිබඳ අවසන් කටයුතු රාජ්ය ගෞරව සහිතව හෙට කොළඹ නිදහස් චතුරස්රයේදී සිදුකිරීමට නියමිතව තිබේ.
ප්රතිචාරයක් ලබාදෙන්න