බස්නාහිර පළාත තුළ සහ අධිවේගී මාර්ගවල අද (28) සිට Govpay හරහා ස්ථානීය දඩ අය කරගැනීමේ ක්රමවේදය ක්රියාත්මක කර තිබේ.
මේ සම්බන්ධයෙන් දැනුවත් කිරීමේ මාධ්ය හමුවකට එක්වෙමින් ප්රවාහන, මහාමාර්ග, වරාය සහ සිවිල් ගුවන්සේවා අමාත්ය බිමල් රත්නායක මහතා මේ බව කියා සිටියේය.
එම කටයුත්ත සාර්ථක කරගැනීම සඳහා අවශ්ය නිලධාරීන්ට මේ වනවිට පුහුණුව ලබාදී ඇති බව ද පැවසු අමාත්යවරයා අද දිනයේ රථ වාහන පොලීසියේ නිලධාරීන් 1000කට දුරකථන ලබාදීමට නියමිත බව ද පැවසීය.
ඩිජිටල් කටයුතු අමාත්යාංශයේ දැඩි කැපවීම මත මෙම කටයුත්ත ඉතා ඉක්මනින් ආරම්භ කිරීමට හැකියාව හිමිවූ බව ද අමාත්යවරයා කියා සිටියේය.
ඉදිරි මාස කිහිපය තුළ සෙසු පොලිස් ස්ථානවලට ද දුරකථන ලබාදීමට බලාපොරොත්තු වන බව පැවසු අමාත්යවරයා, එවිට මෙම කටයුත්ත ඉතා පහසු වන බව ද පැවසීය.
පුහුණු වැඩසටහන් කිහිපයක් මේ සම්බන්ධයෙන් ඩිජිටල් අමාත්යාංශය මඟින් පොලිස් නිලධාරීන්ට ලබාදීමට නියමිත අතර, අගෝස්තු මස 4 වන දිනට පෙර මෙම ක්රියාවලිය සම්පූර්ණයෙන්ම බස්නාහිර පළාත තුළ ක්රියාත්මක කිරීමට නියමිත බව ද අමාත්යවරයා කියා සිටියේය.
ප්රතිචාරයක් ලබාදෙන්න