ශ්‍රී ලංකාව කුඩා හා මධ්‍ය පරිමාණ ව්‍යවසායකයන් ඉලක්ක කර ගනිමින් නව සහන යෝජනා ක්‍රමයක් සකස් කරමින් සිටින බව මුදල් නියෝජ්‍ය ඇමැති හර්ෂණ සූරියප්පෙරුම මහතා පවසයි.
සියලුම ණය ගැනුම්කරුවන්ට අදාළ වන පරාටේ නීතිය ක්‍රියාත්මක කිරීම අත්හිටුවීම දෙසැම්බර් 15 වැනිදායින් අවසන් වන බවත් මුදල් නියෝජ්‍ය අමාත්‍යවරයා සඳහන් කළේය.
සූරියප්පෙරුම මහතා සිකුරාදා පාර්ලිමේන්තුවට පැවසුවේ මේ සම්බන්ධයෙන් මහ බැංකුවේ මැදිහත්වීම පිළිබඳ සාකච්ඡා කළ බවයි.
එහිදී අදහස් දැක්වූ ඒ මහතා,
“කොපමණ ප්‍රමාණයක් තිබේද යන්න සහ කුමන ආකාරයේ ව්‍යාපාර දුෂ්කරතාවන්ට පත් වී ඇත්ද යන්න සොයා බැලීම සඳහා අපි දත්ත කැඳවා ණය තොගය විශ්ලේෂණය කළා. විශ්ලේෂණය කිරීමෙන් පසු, අපි දැන් කුඩා හා මධ්‍ය පරිමාණ ව්‍යවසායකයන් සංඛ්‍යාවට විශාලතම ප්‍රතිලාභ ලබා දීමේ යාන්ත්‍රණයක් සකස් කරමින් සිටිනවා. අපි මෙය කෙටි කාලයක් තුළ කැබිනට් මණ්ඩලයට ඉදිරිපත් කර එය ක්‍රියාත්මක කිරීමට ක්‍රමවේදයක් සකස් කර තිබෙනවා.”
ප්‍රතිචාරයක් ලබාදෙන්න