ශ්‍රී ලංකා ක්‍රිකට් සභාපති ශම්මි සිල්වා ආසියානු ක්‍රිකට් කවුන්සිලයේ (ACC) සභාපති ධූරය නිල වශයෙන් භාරගෙන තිබේ.
ශම්මි සිල්වා වසර ගණනාවක් ආසියානු ක්‍රිකට් කවුන්සිලයේ මූල්‍ය සහ අලෙවි කමිටුවේ සභාපතිවරයා ලෙස කටයුතු කර ඇත.
“ආසියානු ක්‍රිකට් කවුන්සිලයට නායකත්වය දීමට ලැබීම විශාල ගෞරවයක්. ක්‍රිකට් යනු ආසියාවේ හදගැස්ම වන අතර, ක්‍රීඩාව නඟා සිටුවීමට, නැගී එන දක්ෂයන්ට අවස්ථා ලබාදීමට සහ මෙම සුන්දර ක්‍රීඩාව තුළින් අපව එකමුතු කරන බැඳීම් ශක්තිමත් කිරීමට සියලුම සාමාජික රටවල් සමඟ සමීපව කටයුතු කිරීමට මම බලාපොරොත්තු වෙමි” යැයි ශම්මි සිල්වා පවසා තිබේ.
ආසියානු ක්‍රිකට් කවුන්සිලය වෙනුවෙන් ශම්මි සිල්වා සිය ධූර කාලය ආරම්භ කරමින්, එම තනතුරින් ඉවත්ව යන හිටපු සභාපති ජේ ෂා වෙත හෘදයාංගම කෘතඥතාව පළකර ඇති බවත් වාර්තා වේ.
ප්‍රතිචාරයක් ලබාදෙන්න