මේ වසරේ පළමු මාස පහේ තේ – පොල් අපනයන ආදායම ඉහළට.!

මේ වසරේ (2025) පළමු මාස පහේදී තේ සහ පොල් අපනයන ආදායම් සැලකිය යුතු ලෙස වර්ධනය වී තිබේ.

මේ අනුව තේ අපනයන ආදායම ගිය වසරේ (2024) පළමු මාස පහේදී ඇමෙරිකානු ඩොලර් මිලියන 565.3 සිට මේ වසරේ (2025) මුල් මාස පහේදී ඇමෙරිකානු ඩොලර් මිලියන 610.1ක් දක්වා සියයට 7.9කින් වර්ධනය වී ඇත.

එසේම පොල් අපනයන ආදායම ගිය වසරේ (2024) මුල් මාස පහේදී වාර්තා වූ ඇමෙරිකානු ඩොලර් මිලියන 158.2 සිට මේ වසරේ (2025) පළමු මාස පහේදී ඇමෙරිකානු ඩොලර් මිලියන 198.1ක් දක්වා සියයට 25.3කින් ද වර්ධනය වී ඇත.

ශ්‍රී ලංකා මහ බැංකුව පසුගියදා නිකුත් කළ නවතම වාර්තාවක මේ බව දැක්වේ.