කඳාන, ජා ඇල, වත්තල හා රාගම ප්රදේශ කේන්ද්ර කර ගනිමින් සිදු කළ විශේෂ සෝදිසි මෙහෙයුමේ දී නීති විරෝධී මත්ද්රව්ය සහ විවිධ නීතිවිරෝධී ක්රියාවන්ට සම්බන්ධ පුද්ගලයන් 300කට අධික පිරිසක් අත්අඩංගුවට ගෙන තිබේ.
පොලීසිය, පොලිස් විශේෂ කාර්ය බලකාය, යුද හමුදාව හා නාවික හමුදාව එක්ව මෙම විශේෂ සෝදිසි මෙහෙයුම සිදු කර ඇත.
ඊයේ (04) රාත්රිය පුරා මෙම හදිසි විශේෂ සෝදිසි මෙහෙයුම ක්රියාත්මක වූ අතර මෙම ප්රදේශ ආශ්රිතව රථවාහන මෙහෙයුමක්ද ක්රියාත්මක ඇත.
විශේෂයෙන්ම මත්ද්රව්ය හා පාතාලය මෙරටින් තුරන් කර දැමීමේ ක්රියාවලියෙහි එක් පියවරක් වශයෙන් මෙම සෝදිසි කිරීමේ මෙහෙයුම් ක්රියාත්මක කර තිබේ.
ඉදිරියේදී ද මෙවැනි විශේෂ සෝදිසි කිරීමේ දිවයින පුරා සිදු කිරීමට බලාපොරොත්තු වන බවත් එම සෝදිසි කිරීම් සදහා මහජනතාව වශයෙන් අවශ්ය සහයෝගය ලබා දෙන ලෙසත් මහජන ආරක්ෂක හා පාර්ලිමේන්තු කටයුතු අමාත්යංශය මහජනතාවගෙන් ඉල්ලීමක්ද සිදු කළේය.
ප්රතිචාරයක් ලබාදෙන්න