වසරේ මේ දක්වා වාර්තා වී ඇති ඩෙංගු රෝගීන් සංඛ්යාව 50,000 ඉක්මවා ඇතැයි ජාතික ඩෙංගු මර්දන ඒකකයේ ප්රජා වෛද්ය ප්රශිලා සමරවීර මහත්මිය පවසයි.
වෛද්යවරිය පැවසුවේ ඒ අනුව මේ දක්වා ඩෙංගු රෝගීන් 50,459ක් සහ මරණ 30ක් වාර්තා වී ඇති බවය.
මෙම දත්ත තවදුරටත් වැඩි විය හැකි බව පෙන්වා දෙන වෛද්යවරිය පැවසුවේ මදුරු ඝනත්වයේ අඩුවීමක් දක්නට නොලැබෙන බවත් මේ හේතුවෙන් තම පරිසරය නිරන්තර පිරිසිදු කර ගැනීම ඉතා වැදගත් වන බවය.
දීර්ඝ සති අන්තයක් එළැඹීම තුළ මහජනතාවගේ ක්රියාකාලපයන් හේතුවෙන් ඩෙංගු රෝගය තවදුරටත් වර්ධනය වීමක් සිදුවිය හැකි බව පෙන්වා දුන් වෛද්යවරිය පැවසුවේ මෙම සති අන්තය ප්රයෝජනයට ගනිමින් තම නිවාස සහ අවට පරිශ්ර පිරිසිදු කර ගැනීමට ජනතාව උනන්දු විය යුතු බවය.
ප්රතිචාරයක් ලබාදෙන්න