පොලිසියට පහර දී පලා ගිය සැකකරුවන් දෙදෙනෙකු කොටු වෙයි.

ඉකුත් 17 වන දින කදිරාන ප්‍රදේශයේදී පොලිස් නිලධාරීන් විසින් පුද්ගලයින් දෙදෙනෙකු හදිසි පරීක්ෂා කිරීමට යාමේදී ඔවුන් පොලිස් නිලධාරීන්ට පිහියකින් පහර දී පලා ගොස් තිබූ අතර, මෙම පුද්ගලයින් අත්අඩංගුවට ගැනීම සදහා පොලිස් මෙහෙයුමක් ආරම්භ කර තිබුණා.ඒ අනුව ඊයේ ( 19) දිනයේ ඉහත පලා ගිය එක් සැකකරුවෙකු හෙරොයින් සමග අත්අඩංගුවට ගෙන ඇති අතර, පහරදීමට යොදාගත් පිහියද පොලිස් භාරයට ගෙන තිබෙනවා.අනෙක් සැකකරු අයිසි මත්ද්‍රව්‍ය සමග අත්අඩගුවට ගැනීමට පොලිසිය සමත් වුණා.මොවුන් දෙදෙනාම කටාන පොලිස් ස්ථානය වෙත ඉදිරිපත් කිරීමට කටයුතු කර කර තිබෙනවා.පුද්ගලයින් දෙදෙනා වයස අවුරුදු 26 සහ 27 අතර පසුවන්නන් වන අතර, අද (20) දින මීගමුව මහේස්ත්‍රාත් අධිකරණයට ඉදිරිපත් කිරීමට නියමිතයි.