රුපියල් මිලියන 352කට අධික වටිනාකමකින් යුත් හෂිෂ් කිලෝග්රෑම් 36ක් සමඟ 18 හැවිරිදි කැනේඩියානු තරුණියක් අත්අඩංගුවට ගෙන තිබේ.
ගුවන්තොටුපොළ රේගු මත්ද්රව්ය පාලන ඒකකය විසින් එම තරුණියක් අත්අඩංගුවට ගෙන ඇති බව වාර්තා වෙයි.
සැකකාරිය කැනඩාවේ ටොරොන්ටෝ නගරයේ සිට ඩුබායි හරහා එමිරේට්ස් ගුවන් සේවයට අයත් EK 648 දරන ගුවන් යානයෙන් ශ්රී ලංකාවට පැමිණ ඇති අතර, ඇය මෙරටට පැමිණ ඇත්තේ රාත්රී 10.40ට පමණ බව වාර්තා වේ.
ඇයගේ ලිගමන් මලු දෙක පරීක්ෂා කිරීමේදී ඒවා තුළ සඟවා තිබූ හෂිෂ් කිලෝග්රෑම් 35.265ක් රේගු නිලධාරීන් විසින් සොයාගෙන තිබේ.
අත්අඩංගුවට ගත් මත්ද්රව්ය තොගයේ ඇස්තමේන්තුගත වටිනාකම රුපියල් මිලියන 352.65ක් පමණ වන බව සඳහන් වේ.
සිද්ධිය සම්බන්ධයෙන් ශ්රී ලංකා රේගුවේ මත්ද්රව්ය නාශක ඒකකය මූලික විමර්ශන සිදුකරමින් පවතින අතර, වැඩිදුර විමර්ශන සහ නීතිමය කටයුතු සඳහා සැකකාරිය සහ මත්ද්රව්ය තොගය පොලිස් මත්ද්රව්ය නාශක කාර්යාංශය වෙත භාරදීමට නියමිතය.
ප්රතිචාරයක් ලබාදෙන්න