ශ්රී ලංකා නීතිඥ සංගමය විසින් අගෝස්තු 12 වනදා ජනාධිපතිවරයා සමග පැවැති සාකච්ඡාවේ සම්පූර්ණ සංස්කරණය නොකළ වීඩියෝ පටිගත කිරීම ලබාදෙන ලෙස ශ්රී ලංකා නීතිඥ සංගමය ජනාධිපති මාධ්ය ඒකකයෙන් ඉල්ලීමක් කර තිබේ.
අගෝස්තු 14 වනදා යොමු කළ ලිපියකින් නීතිඥ සංගමය පෙන්වා දෙන්නේ මේ වනවිට එම සාකච්ඡාවේ වීඩියෝ පටිගත කිරීමේ කොටසක් පමණක් තමන්වෙත ලැබී ඇති බවය.
එම වීඩියෝවෙන් ලබාදී ඇත්තේ සාකච්ඡාවේ ආරම්භක සාකච්ඡාවක කොටසක් පමණක් වන අතර ඇතැම් කොටස්වල ශබ්දයද පැහැදිලි නොමැති බව එම ලිපියේ සඳහන් වෙයි.
ඒ අනුව සාකච්ඡාව පුරා සිදුවූ සියලු මැදිහත්වීම් නිරීක්ෂණ සහ ප්රතිචාර මෙන්ම නීතිඥ සංගමයේ නියෝජිත පිරිසේ අවසන් අදහස් ද ඇතුළත් සම්පූර්ණ සහ සංස්කරණය නොකළ වීඩියෝ පටිගත කිරීම ලබාදෙන ලෙස එම සංගමය ඉල්ලා ඇත.
එමෙන්ම හැකි හොඳම ශව්ය සහ දෘෂ්ය තත්ත්වයෙන් අදාළ වීඩියෝව ලබාදෙන ලෙසද නීතිඥ සංගමය ජනාධිපති ලේකම් කාර්යාලයෙන් ඉල්ලීමක් කර තිබේ.
අදාළ ලිපිය නීතිඥ සංගමයේ පරිපාලන ලේකම් සුරානි සමරසේකර මහත්මියගේ අත්සනින් යුතුව ජනාධිපති කාර්යාලව වෙත යොමුකර ඇත.
ප්රතිචාරයක් ලබාදෙන්න