බදුල්ල දිස්ත්‍රික් පා.ම චාමර සම්පත් දසනායකගේ බල ප්‍රදේශයේ සුභසාධන කටයුත්තක් සඳහා අනුග්‍රහය දැක්වීම ප්‍රතික්ෂේප කිරීම මත සමාගමකට මැණික් පතලක් පවත්වාගෙන යෑමට අවසර නොදුන් සිද්ධියක් සම්බන්ධයෙන් හිටපු රාජ්‍ය අමාත්‍යවරයාට එරෙහිව අල්ලස් හෝ දූෂණ චෝදනා විමර්ශන කොමිෂන් සභාවට පැමිණිලි කිරීමට තීරණය කළ බව පොදු ව්‍යාපාර පිළිබඳ පාර්ලිමේන්තු කාරක සභාවේ (කෝප් කමිටුව) සභාපති වෛද්‍ය නිශාන්ත සමරවීර මහතා පසුගියදා පැවසූවේය.
කෝප් කමිටුව හමුවේ තොරතුරු අනාවරණය වීමෙන් පසු සභාපතිවරයා මෙම තීරණය ගෙන ඇති අතර අදාළ සමාගම අධිකරණයට දිවුරුම් පෙත්සමක් ලබාදී මේ සිද්ධිය පිළිබඳව සම්පූර්ණ කරුණු අනාවරණය කර ඇතැයිද සභාපතිවරයා ඒහිදී ප්‍රකාශ කළේය.
කෝප් කමිටුවේදී මේ සම්බන්ධයෙන් කළ විමසුමකදී ජාතික මැණික් හා ස්වර්ණාභරණ අධිකාරියේ හිටපු සභාපති විරාජ් සිල්වා මහතා පැවසුවේ එම ගිවිසුම තමා හිතා මතා කල් නොදැමූ බවයි.
ප්‍රතිචාරයක් ලබාදෙන්න