රුසියාවට ප්‍රබල භූකම්පනයක්.

රුසියාවේ නැගෙනහිර ප්‍රදේශයට රිච්ටර් පරිමාන ඒකක 7.8ක ප්‍රබලත්වයෙන් යුතු භූ කම්පනයකින් බලපෑම් එල්ල වී තිබෙනවා.භූ කම්පනයත් සමග සුනාමි අනතුරු ඇඟවීම් නිකුත් කර ඇති බවයි වාර්තා වන්නේ.පොළොව මට්ටමේ සිට කිලෝමීටර් 10ක් පමණ පොළොව අභ්‍යන්තරයේ මෙම භූ කම්පනය හටගෙන ඇති බවයි වාර්තා වන්නේ.පළමු කම්පනයෙන් පසු රිච්ටර් පරිමාන ඒකක 5.8ක ප්‍රබලත්වයෙන් යුතු පසු කම්පනයක් සිදුව ඇති බව ද සඳහන්.පසුගිය ජුලි මාසයේදී කම්චට්කා ප්‍රාන්තයට රිච්ටර් පරිමාන ඒකක 8.8ක ප්‍රබලත්වයෙන් යුත් භූ කම්පනයකින් බලපෑම් එල්ල වූ අතර මෙය එහි පසු කම්පනයක් ලෙස ඇමෙරිකා භූගෝල සමීක්ෂණ ආයතනය නිවේදනය කරනවා.ඇතම් වෙරළ ආරක්ෂිත කලාපයන්හි මුහුදු රළ ඉහළ යාමක් දක්නට ලැබෙන බව ද අල්ජසීරා පුවත් සේවය නිවේදනය කරනවා.කෙසේ වුවද භූ කම්පනයෙන් සිදු වූ හානි සම්බන්ධයෙන් මෙතෙක් වාර්තා වී නැහැ.