හෙරොයින් කිලෝග්රෑම් දෙකකට අධික තොගයක් සමග පුද්ගලයින් දෙදෙනෙකු පිළියන්දල බෝකුන්දර ප්රදේශයේ දී අත්අඩංගුවට ගෙන තිබේ.
මොරටුව පොලිස් විශේෂ කාර්යය බලකාය විසින් සිදුකළ වැටලීමකදී මෙම සැකකරුවන් දෙදෙනා අත්අඩංගුවට ගෙන ඇති බව වාර්තා වේ.
එහිදි ඔවුන් සතුව තිබී හෙරොයින් කිලෝග්රෑම් 2යි ග්රෑම් 106ක්, අයිස් ග්රෑම් 478ක්, මත්ද්රව්ය ප්රවාහනය සඳහා යොදාගත් යතුරුපැදියක් ද විශේෂ කාර්යය බලකාය සිය භාරයට ගෙන ඇත.
මෙලෙස අත්අඩංගුවට ගෙන ඇත්තේ විදෙස් රටක සැගව සිටින සංවිධානාත්මක අපරාධකරුවෙකු හා මත්ද්රව්ය ජාවාරම්කරුවෙකු වන “කළුබෝවිල අවිශ්ක“ යන අයගේ ප්රධාන ගෝලයෙකු වන “කළුබෝවිල චූටි“ නැමැත්තා සහ ඔහුගේ වැඩිමහල් සහෝදරයා ය.
සැකකරුවන් 24 සහ 25 හැවිරිදි වියේ පසු වන පිළියන්දල ප්රදේශයේ පදිංචිකරුවන් වන අතර ඔවුන් වැඩිදුර විමර්ශන සඳහා පොලිස් මත්ද්රව්ය නාශක කාර්යාංශය වෙත භාර දී තිබේ.
ප්රතිචාරයක් ලබාදෙන්න