හිටපු කථානායකවරුන් වාහන සඳහා අන්ලිමිටඩ් තෙල් ගැසු බවත් හිටපු කථානායක මහින්ද යාපා අබේවර්ධන 2024 වසරේදී රුපියල් ලක්ෂ 334ක තෙල් ගසා තිබෙන බව පාර්ලිමේන්තු මන්ත්රී චන්දිම හෙට්ටිආරච්චි සඳහන් කරයි.
මන්ත්රී චන්දිම හෙට්ටිආරච්චි සඳහන් කළේ,
“වෛද්ය ජගත් වික්රමරත්න කියන්නේ කවුද කියලා මම කියන්නම්. අසීමිත ඉන්ධන කථානායකවරුන් පාවිච්චි කරද්දී, කථානායකවරයා අසීමිත ඉන්ධන ඕන නැහැ කියලා තමන්ම යෝජනාව ගෙනැවිත් 2025 මැයි (02) වැනිදා සම්මත කරගෙන ඒක කප්පාදු කළ කථානායක.
නිල රථ ඕසෙට තියාගෙන පැදපු කථානායකවරු සිටි තැන තමන්ට නිල රථ දෙකයි කියලා නිල රථ දෙකක් ගත්ත කථානායක පෞද්ගලික කාර්ය මණ්ඩලයට මුළු යාපා පටුනම දාගෙන හිටපු වෙලාවේ මතකනේ.
පුතත් යාපා, මාමත් යාපා, දුවත් යාපා මුළු යාපා පටුනම දාගෙන හිටියා. අන්න ඒ ජාතියේ අකරතැබ්බයක් මේ පාර්ලිමේන්තුවට කරන්නේ නැතිව කාර්ය මණ්ඩලය 8කට සීමා කළ කථානායක. ඒ නිසා මම කැමතියි උපුටා ගැනීමක් කරන්න.
හිටපු කථානායකලා අන්ලිමිටඩ් තෙල් ගැහුවේ. 2023 දී කථානායක රුපියල් ලක්ෂ 261ක තෙල් ගහලා. 2024 වසරේදී රුපියල් ලක්ෂ 334ක තෙල් ගහලා. නියෝජ්ය කථානායක 2023 දී රුපියල් ලක්ෂ 148ක තෙල් ගහලා. රුපියල් ලක්ෂ 135ක 2024 වසරේදී තෙල් ගහලා.
2023දී හිටපු කථානායක ආහාර ලක්ෂ 26ක කාලා. රුපියල් ලක්ෂ 31ක 2024දී කාලා. වාහන, කථානායකට 2023දී 8යි. 2024දී 9යි. දැන් කථානායකට 2යි. මාධ්ය ඒකකය 1යි. නියෝජ්ය කථානායකට ඒ දවස්වල 2023දී වාහන 6යි. දැන් 1යි.
ආදර්ශවත් පාර්ලිමේන්තුවක් හදන්න මැදිහත් වූ කථානායකතුමා දැන් අමාරුයි දරන්න බැහැ. ඒ නිසා තමයි මේ මඩ ව්යාපාරය ගහන්නේ. ඒ නිසා කණු බෙදාගන්න එක කතා කරපු දවසේ කණු කරේ තියාගෙන ගියපු විපක්ෂය දැන් ඇනගෙන ඉන්නවා.
විපක්ෂ නායකතුමා මහ විනාශයක් කර ගත්තේ. පොහොට්ටුවේ කුණු කරේ තියාගෙන ගිහින්. ඒ නිසා පලාගිය ජනාධිපතිගේ ලේකම් ගිහිල්ලා බාරදුන්නේ ඕක. ඔය ජාතියේම ලේඛනයක් තමයි. එනිසා නියෝජ්ය මහ ලේකම් වන්නම නටලා අවසන් වුණාම මහන්සි නම් එන්න අපි පස්සේ වෙලාවක සීතල වතුර වීදුරුවක් බොමු විපක්ෂ නායකතුමා.”
මන්ත්රී චන්දිම හෙට්ටිආරච්චි (03) දින පාර්ලිමේන්තුවේදී මේ බව සඳහන් කරයි.
ප්රතිචාරයක් ලබාදෙන්න