නව යොවුන් වියේ දරුවන් අතර ලිංගාශ්රිත රෝග වැලඳීමේ ප්රවණතාවක් පවතින බව ජනමාධ්ය හා සෞඛ්ය අමාත්ය වෛද්ය නලින්ද ජයතිස්ස මහතා පවසයි.
අමාත්යවරයා පෙන්වා දෙන්නේ, පසුගිය වසරවලට සාපේක්ෂව මේ වන විට පාසල් ළමුන් සහ විශ්වවිද්යාල ළමුන් අතර ද ලිංගාශ්රිත රෝග වැලඳීමේ අවදානම ඉහළ ගොස් ඇති බවය.
මේ සම්බන්ධයෙන් රජයේ අවධානය යොමුව ඇති බව අමාත්ය වෛද්ය නලින්ද ජයතිස්ස මහතා ප්රකාශ කළේය.
“HVI සහ STI (Sexually Transmitted Infections) කියන ලිංගාශ්රිතව බෝවන රෝග සම්බන්ධයෙන් විශේෂයෙන් නව යොවුන් තරුණ තරුණියන් අතර, පෙර වසරවලට සාපේක්ෂව යම් වැඩිවීමක් තියෙනවා. ඒ පිළිබඳව සෞඛ්ය අමාත්යාංශයේ ඒකකය විසින් සාකච්ඡා කිරීමෙන් අනතුරුව සමහර පාසල් සිසුන් ප්රමාණයක් හඳුනාගෙන තියෙන නිසා සහ සමහර විශ්වවිද්යාල සිසුන් ප්රමාණයක් හඳුනාගෙන තිබෙන නිසා, අග්රාමාත්යවරිය සමඟ සාකච්ඡා කරලා, ළමා කටයුතු අමාත්යවරියත් සම්බන්ධ වුණා. රජය හැටියට අදාළ පාර්ශ්වයන් එකතු කරගෙන තිබෙන ප්රවණතාවයන් වළක්වා ගැනීම සඳහා කටයුතු කරගෙන යනවා. සමහර අය නොදැනුවත්ව ගොදුරු වූ බව ඔවුන්ගේ පැත්තෙන් කිව්වා.”
මේ අතර සමාජ මාධ්ය සහ ඩිජිටල් තිරවලට අධික ලෙස ඇබ්බැහි වීම මඟින් දරුවන් පසුකාලිනව විෂ මත්ද්රව්ය භාවිතය සඳහා පෙළඹවීමේ ප්රවණතාවක් පවතින බව මනෝ වෛද්ය චමින්ද වීරසිරිවර්ධන මහතා පවසයි.
ඔහු පවසන්නේ ඩිජිටල් තිරවලට ඇබ්බැහි වීම මඟින් මොළයේ සිදුවන රසායනික සංයුතීන්ගේ වෙනස්වීම් හේතුවෙන් දරුවන් විෂ මත්ද්රව්ය භාවිතය සඳහා පෙළඹිය හැකි බවය.
ප්රතිචාරයක් ලබාදෙන්න