හිඟුරක්ගොඩ, වරාහේන ප්රදේශයේ ගොවි මහතෙකු විසින් තම කුඹුරේ පිදුරුවලට තබන ලද ගින්නක් පැතිර ගොස් එම ගින්නට හසුවීමෙන් කුඹුරු තුළ ඊයේ (3) දහවල් අවාසනාවන්ත ලෙස මියගොස් ඇත.
මෙලෙස ගින්නට හසුව ඇත්තේ හිඟුරක්ගොඩ, බෝගස් හංදිය ප්රදේශයේ පදිංචි තෙදරු පුද්ගලයෙක්ය.
ගොවි මහතා ඊළඟ කන්නයට සිය කුඹුරු බිම සූදානම් කිරීම සඳහා තම කුඹුරේ අස්වැන්න නෙලීමෙන් පසු කුඹුර තුළ ඉතිරිව තිබූ පිදුරුවලට හා ඉපනැල්ලට ගිනිතබා තිබේ.
එහිදී මේ දිනවල පවත්නා අධික උණුසුම් කාලගුණික තත්ත්වය හා සුළග හේතුවෙන් ගින්න පැතිර ගොස් ඔහු ඊට හසුව තිබේ.
මෙම පුද්ගලයා ගින්නට හසුව සිටින අයුරු ප්රදේශවාසියෙකු දැක ඒ පිළිබදව අනෙකුත් අය දැනුම්වත් කළද ඒ වනවිටත් ඔහු ගින්නට හසුව දරුණු ලෙස තුවාල ලබා මිය ගොස් සිට ඇත.
මියගිය පුද්ගලයාගේ පශ්චාත් මරණ පරීක්ෂණ කටයුතු සඳහා දේහය පොලොන්නරුව මහ රෝහල වෙත රැගෙන යනු ලැබීය.
මේ පිළිබද වැඩිදුර පරීක්ෂණ කටයුතු හිඟුරක්ගොඩ පොලීසිය විසින් සිදු කරනු ලැබීය.
ප්රතිචාරයක් ලබාදෙන්න