Channel4.lk

Sri Lankan Latest Sinhala News Portal

එන්නතේ බලය නැති වෙන දකුණු අප්‍රිකා ප්‍රභේදයත් මෙරටට ඒම වැළැක්විය නොහැකියි – වෛද්‍ය චන්දිම ජිවන්දර

By News Team on September 1st, 2021 in Gossip

දකුණු අප්‍රිකාවේ පැතිර යන මාරාන්තික කොවිඩ් වයිරසය ශ්‍රී ලංකාවට පැමිණිම කිසිසේතම වැළැක්විය නොහැකි යැයි ශ්‍රී ජයවර්ධනපුර විශ්වවිද්‍යාලයේ ආසාත්මිකතා ප්‍රතිශක්ති විද්‍යා සෛල ජාන විද්‍යායතනයේ අධ්‍යක්ෂ ආචාර්ය චන්දිම ජිවන්දර සඳහන් කරයි.

නවසීලන්තයට කිසිදු රෝගියකුට ඇතුළු වීමට ඉඩ ලබා නොදී ඇති තත්ත්වයක් යටතේ වුව මෙම මාරාන්තික වයිරසය නවසීලන්තට ඇතුළු වූ බවත් ආචාර්යවරයා පෙන්වාදේ.

ලංකාවේ සංචාරක ව්‍යාපාරය ක්‍රියාත්මක වෙන බැවින් මෙම වයිරසය මෙරටට ඇතුළු වීම වළක්වා ගැනීම ඉතා අපහසු බව ශ්‍රී ලංකාව වැනි රටක් වසා දැමීම ප්‍රායෝගිකව කළ නොහැකි බවත් ඔහු පෙන්වාදෙයි.

ඇල්ෆා හා ඩෙල්ටා ප්‍රභේදයන් මෙරටට පැමිණීම වළක්වා ගැනීම සඳහා යම් යම් ක්‍රියා මාර්ගයන් ගත් නමුත් එම වයිරසයන් ආසාදනය වූවන් පසුව සමාජයෙන් වාර්තා වූ බවද ආචාර්යවරයා මෙහි දී පෙන්වා දුන්නේය.

ලෝකයේ බහුතරයක් ජනතාව එන්නත්කරණයට ලක් කරන තෙක් කොවිඩ් වයිරසයේ නව ප්‍රභේදයන් ඇතිවීම වැළැක්විය නොහැකි බවද ඔහු පෙන්වාදෙයි.

ශ්‍රියානි විජේසිංහ – අරුණ පුවත්පත