Channel4.lk

Sri Lankan Latest Sinhala News Portal

Latest News
ඊයේ තරඟවලින් කොළඹ ගාල්ල කණ්ඩායම් ජයගනීපෞද්ගලික සංචාරය හදිසියේ නිමවා ජනපති යළි දිවයිනට?දීර්ඝ නිවාඩුව සැපසේ විදින්න දියවන්නාවේ සභිකයෝ 60ක් රට යයි – අනෙක් අය නුවරඑළියේ යයිලිට්‍රෝ අධිකරණයේ දුන් පොරොන්දුවදුම්රිය නියාමකවරුනුත් අද දහවල් 12 සිට වැඩ වර්ජනයක් දියත් කරයිවසර දෙකකට පසු ඕස්ට්‍රේලියානු දේශ සීමා යළිත් විවෘත වෙයිදුම්රිය ස්ථානාධිපතිවරුන් වර්ජනය අත්හරී – රියදුරන් බලවේග කට්ටල අද 12 සිට ධාවනයෙන් ඉවතටඑන්නත් කාඩ්පත ඇත්නම් සිරිපා වදින්න අවසරපුංචි බණ්ඩා යන්නේ නැත්නම් මම ඇමතිකමෙන් යනවා – ඇමති චමල් ආණ්ඩුවේ ලොක්කන්ට අනතුරු අඟවයියුගදනවී ගිවිසුම නිසා ශ්‍රී ලංකාවට සම්බාධක වැටෙන්න පුළුවන් – අමාත්‍ය විමල් විරවංශ

කෝලි ඇතුළු ඉන්දීය කණ්ඩායමට තුන්වන ටෙස්ට් තරඟයෙන් දැවැන්ත පරාජයක්

By News Team on August 29th, 2021 in Sport

එංගලන්ත කණ්ඩායම සහ ඉන්දීය කණ්ඩායම අතර පැවැත්වෙන තරග 5කින් යුත් ටෙස්ට් ක්‍රිකට් තරගාවලියේ තෙවන තරගය ඊයේ (28) නිමා වුණේ එංගලන්තයට ඉනිමක හා ලකුණු 76ක දැවැන්ත ජයක් හිමි කර දෙමින්.

තරගයේ සිව්වන දිනය අද (28) ලීඩ්ස්හි හෙඩින්ග්ලී ක්‍රීඩා පිටියේදී ආරම්භ වන විට ඉන්දියාව සිය දෙවැනි ඉනිම වෙනුවෙන් කඩුලු 2ක් දැවී ලකුණු 215ක් ලබා සිටි නමුත්, ඔවුන්ගේ ඉනිම දිවා ආහාරයටත් පෙර නිමා වුණේ සියලු ක්‍රීඩකයින් ලකුණු 278කට සීමා වීමත් සමගයි.

චෙටස්වර් පුජාරා ලකුණු 91ක් ලබා සිය 19 වන ටෙස්ට් ශතකය ආසන්නයේ රැදී සිටිමින් දිනය ආරම්භ කළ නමුත්, ඔහුට අද දිනයේ දී කිසිදු ලකුණක් ලබා ගැනීමට නොහැකි වූයේ ඔලී රොබින්සන් යොමු කළ පන්දුවක් හමුවේ කඩුල්ල මුවා කිරීමේ වරදට හසුවීම හේතුවෙන්.

නායක විරාට් කෝලි සිය 27 වන අර්ධ ශතකය වාර්තා කිරීමට අද සමත් වූ අතර, ඔලී රොබින්සන් යොමු කළ ඉන්දීය ඉනිමේ 90 වන පන්දුවාරයේ හයවන පන්දුව කෝලිගේ පිත්තේ පිට අග්‍රයේ වැදී ජෝ රූට් විසින් රැක ගත්තේ ඉන්දීය ප්‍රේක්ෂකයන්ගේ බලාපොරොත්තු සුන් කරමින්.

රවීන්ද්‍ර ජඩේජා ලකුණු 30කටත්, අජින්කෙයා රහානේ ලකුණු 10කටත් අද දැවී ගිය අතර, රෝහිට් ෂර්මා ඊයේ දිනයේ දී දැවී ගියේ ලකුණු 59ක් ලබා සිටියදීයි.

පන්දු යැවීමේ දී ඔලී රොබින්සන් කඩුලු 5ක් ද, ක්‍රෙයිග් ඕවර්ටන් කඩුලු 3ක් ද දවා ගත්තා.

තරගයේ පළමුවෙන් පන්දුවට පහර දුන් ඉන්දියාව සියලු දෙනා දැවී රැස් කර ගත්තේ ලකුණු 78ක් පමණයි.

පිළිතුරු ලෙස එංගලන්තය ලකුණු 432ක් රැස් කළේ ජෝ රූට් ලබා ගත් ලකුණු 121න් හා ඩාවිඩ් මලාන් ලබා ගත් ලකුණු 70න් සවිමත් වෙමින්.

මෙම තරගයේ දී කඩුලු 7ක් දවා ගත් ඔලී රොබින්සන් තරගයේ වීරයා ලෙස සම්මානයෙන් පිදුම් ලැබුවා.

මෙම තරග ජයග්‍රහනයත් සමග දෙරට අතර පැවැත්වෙන ටෙස්ට් තරගාවලිය මේ වන විට තරග 1-1ක් ලෙස සම තත්ත්වයට පත්ව තිබෙනවා.