Channel4.lk

Sri Lankan Latest Sinhala News Portal

Latest News
ඊයේ තරඟවලින් කොළඹ ගාල්ල කණ්ඩායම් ජයගනීපෞද්ගලික සංචාරය හදිසියේ නිමවා ජනපති යළි දිවයිනට?දීර්ඝ නිවාඩුව සැපසේ විදින්න දියවන්නාවේ සභිකයෝ 60ක් රට යයි – අනෙක් අය නුවරඑළියේ යයිලිට්‍රෝ අධිකරණයේ දුන් පොරොන්දුවදුම්රිය නියාමකවරුනුත් අද දහවල් 12 සිට වැඩ වර්ජනයක් දියත් කරයිවසර දෙකකට පසු ඕස්ට්‍රේලියානු දේශ සීමා යළිත් විවෘත වෙයිදුම්රිය ස්ථානාධිපතිවරුන් වර්ජනය අත්හරී – රියදුරන් බලවේග කට්ටල අද 12 සිට ධාවනයෙන් ඉවතටඑන්නත් කාඩ්පත ඇත්නම් සිරිපා වදින්න අවසරපුංචි බණ්ඩා යන්නේ නැත්නම් මම ඇමතිකමෙන් යනවා – ඇමති චමල් ආණ්ඩුවේ ලොක්කන්ට අනතුරු අඟවයියුගදනවී ගිවිසුම නිසා ශ්‍රී ලංකාවට සම්බාධක වැටෙන්න පුළුවන් – අමාත්‍ය විමල් විරවංශ

ශ්‍රී ලංකාව දෙවන පුහුණු තරඟය ද ජයගනී

By News Team on October 14th, 2021 in Sport

මෙවර පන්දුවාර 20යි 20 ලෝක කුසලාන ක්‍රිකට් තරගාවලියට පෙර ශ්‍රී ලංකාව ක්‍රීඩා කළ දෙවැනි නිල පුහුණු තරගයෙන් ද අද (14) ඔවුන් ජය වාර්තා කළා.

අබුඩාබිහී දී පැවැති තරගයේ දී ශ්‍රී ලංකාව හමුවේ ලකුණු 39කින් පරාජයට පත් වූයේ පැපුවා නිව් ගිනියාවයි.

තරගයේ කාසියේ වාසිය දිනූ ශ්‍රී ලංකාව පළමුවෙන් පන්දුවට පහර දීමට තීරණය කළා.

මෙම තරගය සදහා කුසල් ජනිත් හා දිනේෂ් චන්දිමාල් ක්‍රීඩා නොකළ අතර, ඒ අනුව ශ්‍රී ලංකා ඉනිම ආරම්භ කළේ පැතුම් නිස්සංක සමගින් ධනංජය ද සිල්වා.

ධනංජය ද සිල්වාට හා අංක 3 පිතිකරු චරිත් අසලංකට සාර්ථක ඉනිම් දියත් කිරීමට හැකි වූයේ නැහැ. ඔවුන් දෙදෙනා පිළිවෙලින් ලකුණු එකකට හා ලකුණු 8කට දැවී ගියා.

අගනා ඉනිමක් ක්‍රීඩා කළ පැතුම් නිස්සංක පන්දු 58කින් ලකුණු 76 ක් වාර්තා කරමින් ශ්‍රී ලංකා ඉනිම ශක්තිමත් කළා. ඒ, හයේ පහර 2ක් හා හතරේ පහර 6ක් සමගින්.

ඔහුට අනගි සහායක් ලබා දුන් අවිශ්ක ප්‍රනාන්දු පන්දු 37කින් වේගවත් ලකුණු 61ක් වාර්තා කළා.

අවිශ්කගේ ඉනිමට හයේ පහර 4ක් හා හතරේ පහර 2ක් ඇතුළත්.

ඒ් අනුව ශ්‍රී ලංකාව නියමිත පන්දුවාර 20 නිමා කළේ කඩුලු 5ක් දැවී ලකුණු 162ක් ලබා ගනිමින්.

පන්දු යැවීමේ දී Kabua Morea ලකුණු 25කට කඩුලු 4ක් දවා ගත්තා.

පිළිතුරු ඉනිම ක්‍රීඩා කළ පැපුවා නිව් ගිනියාවට පන්දුවාර 20 තුළ කඩුලු 7ක් දැවී ලබා ගත හැකි වූයේ ලකුණු 123ක් පමණයි.

Assad Vala ලකුණු 51ක් රැස් කළා.

පන්දු යැවීමේ දී වනිදු හසරංග හා දුෂ්මන්ත චමීර කඩුලු 2 බැගින් බිද හෙලූ අතර, දසුන් ශානක, චාමික කරුණාරත්න හා මහීෂ් තීක්ෂණ එක් කඩුල්ල බැගින් දවා ගත්තා.