Channel4.lk

Sri Lankan Latest Sinhala News Portal

Latest News
ඊයේ තරඟවලින් කොළඹ ගාල්ල කණ්ඩායම් ජයගනීපෞද්ගලික සංචාරය හදිසියේ නිමවා ජනපති යළි දිවයිනට?දීර්ඝ නිවාඩුව සැපසේ විදින්න දියවන්නාවේ සභිකයෝ 60ක් රට යයි – අනෙක් අය නුවරඑළියේ යයිලිට්‍රෝ අධිකරණයේ දුන් පොරොන්දුවදුම්රිය නියාමකවරුනුත් අද දහවල් 12 සිට වැඩ වර්ජනයක් දියත් කරයිවසර දෙකකට පසු ඕස්ට්‍රේලියානු දේශ සීමා යළිත් විවෘත වෙයිදුම්රිය ස්ථානාධිපතිවරුන් වර්ජනය අත්හරී – රියදුරන් බලවේග කට්ටල අද 12 සිට ධාවනයෙන් ඉවතටඑන්නත් කාඩ්පත ඇත්නම් සිරිපා වදින්න අවසරපුංචි බණ්ඩා යන්නේ නැත්නම් මම ඇමතිකමෙන් යනවා – ඇමති චමල් ආණ්ඩුවේ ලොක්කන්ට අනතුරු අඟවයියුගදනවී ගිවිසුම නිසා ශ්‍රී ලංකාවට සම්බාධක වැටෙන්න පුළුවන් – අමාත්‍ය විමල් විරවංශ

වනිදුගේ කඩුලු ත්‍රිත්වය අපතේ යවමින් දකුණු අප්‍රිකාව කඩුලු 4ක ජයක්

By News Team on October 31st, 2021 in Sport

මෙවර පන්දුවාර 20යි 20 ලෝක කුසලාන ක්‍රිකට් තරගාවලියේ අවසන් පූර්ව වටයට සුදුසුකම් ලබා ගැනීමේ බලාපොරොත්තු අවම මට්ටමකට පත් කර ගැනීමට ශ්‍රී ලංකාවට ඊයේ (30) සිදු වුණා.

ඒ, තරගාවලියේ 25 වන තරගයෙන් ශ්‍රී ලංකා කණ්ඩායම දකුණු අප්‍රිකාව හමුවේ කඩුලු 4ක තියුණු පරාජයක් ලැබීමත් සමගයි.

සාජා ක්‍රීඩාංගනයේ පැවැති තරගයේ කාසියේ වාසිය දිනූ දකුණු අප්‍රිකාව පළමුවෙන් පන්දු යැවීමටයි තීරණය කළේ.

ඒ අනුව පිටියට පිවිසි ශ්‍රී ලංකාව පන්දුවාර 20 අවසානයේ දී සියලු දෙනා දැවී රැස් කළ ලකුණු සංඛ්‍යාව 142ක්.

ආරම්භක පිතිකරු පැතුම් නිස්සංක ශ්‍රී ලංකා ඉනිමේ නැංගුරම බවට පත් වෙමින් පන්දු 58කින් වාර්තා කළ ලකුණු සංඛ්‍යාව 72ක්.

හයේ පහර 3ක් හා හතරේ පහර 6ක් ඔහුගේ ඉනිමට ඇතුළත්.

චරිත් අසලංක පන්දු 14කින් ලකුණු 21ක් ලබා සිටියදී අවාසනාවන්ත ලෙස දුවද්දී දැවී යාමකට හසු වීම ශ්‍රී ලංකා ඉනිමට දැඩිව බලපානු ලැබුවා.

මෙම තරගයේ දී අංක 4 පිතිකරු ලෙස පිටියට පිවිසි භානුක රාජපක්ෂ ලකුණු නොලබා දැවී ගිය අතර, අංක 5 පිතිකරු ලෙස පැමිණි අවිශ්ක ප්‍රනාන්දු මෙම තරගයේ දී ද අසාර්ථක වෙමින් ලකුණු 3කට දැවී ගියා. නායක දසුන් ශානක ලකුණු 11යි.

පැතුම්, චරිත් හා දසුන් හැරුණු විට වෙනත් කිසිදු පිතිකරුවෙකු ලකුණු 10 සිමාවට ළගා වුණේ නැහැ.

පන්දු යැවීමේ දී ටැබ්රයිස් ශම්සි හා ඩ්වේයන් ප්‍රෙටෝරියස් කඩුලු 3 බැගින් දවා ගත්තා. අන්රිච් නොකියා කඩුලු 2ක් බිද හෙලුවා.

පිළිතුරු ඉනිම ක්‍රීඩා කළ දකුණු අප්‍රිකා කණ්ඩායම ඉනිම නිමා වීමට පන්දුවක් ඉතිරිව තිබියදී ජයග්‍රාහී ඉලක්කය පසු කළේ කඩුලු 6ක් දැවී සිටියදී යි.

රීස් හෙන්ඩ්‍රික්ස් ලකුණු 11කටත්, ක්වෙන්ටන් ඩී කොක් ලකුණු 12කටත් දවා ගැනීමට දුෂ්මන්ත චමීර සමත් වුණා.

රසී වැන් ඩර් ඩුසේන් ලකුණු 16කට දුවද්දී දැවී ගියේ දසුන් ශානකගේ සුපිරි පන්දු රැකීමක් හමුවේයි.

අනතුරුව ටෙම්බා බවුමා හා ඒඩ්න් මාක්‍රම් අතර 4 වැනි කඩුල්ල සදහා ලකුණු 47ක සබදතාවයක් ගොඩ නැගුණා. එම සබදතාවය බිද වැටුණේ වනිදු හසරංග විසින් මාක්‍රම්ගේ කඩුල්ල දවා ගැනීමත් සමගයි. ඔහු ලකුණු 19ක් රැස් කළා.

ටෙම්බා බවුමා ලකුණු 46 ක් ලබා සිටිය දී දැවී ගියේ වනිදු හසරංගගේ දෙවැනි කඩුල්ල ලෙසයි. අනතුරුව ඩ්වේයන් ප්‍රෙටෝරියස් ද පළමු පන්දුවෙන්ම දවා ගත් වනිදු හසරංග කඩුලු ත්‍රිත්වයක් බිද හෙලීමට සමත් වීම කැපී පෙනුණා.

පසුගිය තරගයේදී ඩේවිඩ් වෝනර් ලබා දුන් පහසු උඩ පන්දුවක් රැක ගැනීමට නොහැකි වූ කුසල් පෙරේරා අතින් මෙම තරගයේ දී ද ටෙම්බා බවුමා ලකුණු 7 ක් ලබා සිටිය දී ලබා දුන් පහසු උඩ පන්දුවක් ගිලීහී යාම විශේෂත්වයක්.

තරගයේ අවසන් පන්දුවාරයේ දී දකුණු අප්‍රිකාවට තරගය ජය ගැනීම සදහා ලකුණු 15ක් අවශ්‍ය වුණා.

ළහිරු කුමාර යොමු කළ එම පන්දුවාරයේ දෙවැනි හා තෙවැනි පන්දුවලට දැවැන්ත හයේ පහර දෙකක් එල්ල කළ ඩේවිඩ් මිලර් තරගයේ ජය ශ්‍රී ලංකාවෙන් උදුරා ගත්තා. මිලර් පන්දු 13කින් නොදැවී ලකුණු 23ක් රැස් කළා.

පන්දු යැවීමේ දී වනිදු හසරංග ලකුණු 20කට කඩුලු 3ක් දවා ගත් අතර, දුෂ්මන්ත චමීර ලකුණු 27කට කඩුලු 2ක් දවා ගත්තා.

මේ අතර 2021 පන්දුවාර 20යි 20 ලෝක කුසලාන ක්‍රිකට් තරගාවලියේ 26 වන තරගයෙන් කඩුලු 8ක ජයක් වාර්තා කරමින් පළමු කාණ්ඩයේ ප්‍රසාද ලකුණු සටහනේ පෙරමුණ තවදුරටත් තහවුරු කර ගැනීමට එංගලන්තය ඊයේ (30) සමත් වුණා.

ඩුබායිහි පැවැති තරගයේ දී ඔවුන් හමුවේ දරුණු පරාජයකට ලක් වුණේ ඔස්ට්‍රේලියානු කණ්ඩායමයි.

තරගයේ කාසියේ වාසිය දිනූ එංගලන්තය පළමුවෙන් පන්දු යැවීමටයි තීරණය කළේ.

ඒ අනුව පිටියට පිවිසි ඔස්ට්‍රේලියානු පිතිකරුවන්ට දැඩි අභියෝගයක් එංගලන්ත පන්දු යවන්නන්ගෙන් එල්ල වූ අතර, එහි ප්‍රතිපලය වූයේ ඔස්ට්‍රේලියානු පිලේ සියලු දෙනා පන්දුවාර 20 තුළ ලකුණු 125කට දැවී යාමයි.

ඉනිමේ සිව්වන කඩුල්ල ලකුණු 21ක්ව තිබියදී බිද වැටුණා. ඔස්ට්‍රේලියාව ගෞරවනීය ලකුණු සංඛ්‍යාවක් කරා රැගෙන යාමට හුදෙකලා සටනක නිරත වූ නායක ආරෝන් ෆින්ච් ලකුණු 44ක් රැස් කළා.

නම් දැරූ පිතිකරුවන් රැසක් අසාර්ථක වෙද්දී ඇෂ්ටන් ඒගාර් ලකුණු 20ක් ද, පැට් කමින්ස් ලකුණු 12ක් ද ලබා ගත්තේ හයේ පහර දෙක බැගින් එල්ල කරමින්. මැතිව් වේඩ් ලකුණු 18ක් හා මිචෙල් ස්ටක් ලකුණු 13ක් ලබා ගත්තා.

පන්දු යැවීමේ දී ක්‍රිස් ජෝර්ඩන් ලකුණු 17කට 3ක් දවා ගත් අතර, ක්‍රිස් වෝක්ස් හා Tymal Mills අතරේ කඩුලු 2 බැගින් බෙදී ගියා.

පිළිතුරු ඉනිම ක්‍රීඩා කළ එංගලන්තය ජයග්‍රාහී ඉලක්කය පසු කළේ පන්දුවාර 11.4ක් අවසානයේ කඩුලු 2ක් පමණක් දැවී සිටියදීයි.

එංගලන්තය පළමු පන්දුවාර 6 තුළ දී (පවර් ප්ලේ) ලකුණු 66ක් වාර්තා කිරීම විශේෂත්වයක්. එය මෙවර ලෝක කුසලානයේ පළමු පන්දුවාර 6 තුළ දී වාර්තා වූ ඉහළම ලකුණු සංඛ්‍යාවයි.

සුපිරි ඉනිමක් ක්‍රීඩා කළ ජොස් බට්ලර් අති දැවැන්ත හයේ පහර 5ක් හා හතරේ පහර 5ක් සමගින් නොදැවී ලකුණු 71ක් රැස් කළේ පන්දු 32කින්.

ඔහු සිය අර්ධ ශතකය පන්දු 25ක් පමණක් වැය කරමින් වාර්තා කළා.

පන්දු යැවීමේ දී ඇෂ්ටන් ඒගාර් හා ඇඩම් සම්පා කඩුල්ල බැගින් බිද හෙලුවා.