Channel4.lk

Sri Lankan Latest Sinhala News Portal

චීන පොහොර නැව යළිත් ශ්‍රී ලංකාව බලා යාත්‍රා කරලා?

By News Team on November 1st, 2021 in Local

මතභේදයකට තුඩු දී ඇති චීන පොහොර රැගත් නෞකාව මෙරට මුහුදු සීමාවට ඇතුළු වී ඇති බවට පළවන වාර්තා සම්බන්ධයෙන් මේ දක්වාත් නිශ්චිත තොරතුරු අනාවරණය වී නොමැති බව හාබර් මාස්ටර් කැප්ටන් නිර්මාල් ද සිල්වා මහතා පවසනවා.

අදාළ නෞකාව මෙරට මුහුදු සීමාවට ඇතුළු වූ බව නාවික දත්ත ඇතුළත් “ෆිලීට්මොන්” වෙබ් අඩවිය තොරතුරු අනාවරණය කර තිබුණා.

එහිදී ඔවුන් පෙන්වා දී තිබුණේ “හිපෝ ස්ප්‍රිට්” නෞකාවේ හඳුනාගැනීමේ අංකයෙන්ම “සෙයියෝ එක්ස්ෆ්ලෝර්” නමැති නෞකාව හම්බන්තොට මුහුදු සීමාවට ඇතුළු වූ බවයි.

කෙසේ වෙතත් එම නෞකාව කුමන වරායක සිට පැමිණියේ ද යන්න සම්බන්ධයෙන් සටහන් කර නොතිබු ඇති බවයි වාර්තා වන්නේ.

කෙසේ වෙතත් හාබර් මාස්ටර්වරයා කියා සිටියේ ඕනෑම නෞකාවකට ශ්‍රී ලංකා මුහුදු සීමාව හරහා ගමන් කිරීමට හැකියාව ඇති බවයි.

එහෙත් අදාළ නෞකාව මෙරට වරායට භාරගැනීමක් සිදුනොකරන බවද හාබර් මාස්ටර්වරයා සඳහන් කළා.

මතභේදයකට තුඩු දී ඇති මෙම නෞකාව සම්බන්ධයෙන් වරාය බලධාරීන් විශේෂ අවධානයක් යොමුකර ඇති බවයි ඔහු මෙහිදි වැඩිදුරටත් ප්‍රකාශ කළේ.

මේ අතර නවතම දත්තවලට අනුව පසුගිය 13 වනදා මලක්කාව ආශ්‍රිත මුහුදු ප්‍රදේශයට පැමිණි “හිපෝ ඉස්ප්‍රිට්” නෞකාව සෘජුවම ශ්‍රී ලංකාව බලා යාත්‍රා කර ඇති බව ද තහවුරු වී තිබෙනවා.