රජයේ මුදල් වැයකරමින් ප්රමිතියෙන් තොර ප්රතිදේහ එන්නත් සෞඛ්ය අමාත්යාංශයේ වෛද්ය සැපයුම් ඒකකයට මිලදී ගැනීමේ සිද්ධිය සම්බන්ධයෙන් හිටපු අමාත්ය කෙහෙළිය රඹුක්වැල්ල ඇතුළු විත්තිකරුවන් 12කට එරෙහිව නීතිපතිවරයා විසින් පවරා ඇති නඩුවේ, පූර්ව නඩු විභාග සම්මන්ත්රණය නොවැම්බර් මස 26 වෙනිදා ආරම්භ කිරීමට කොළඹ ස්ථීර ත්රිපුද්ගල මහාධිකරණ විනිසුරු මඩුල්ල අද (06) නියෝග කළහ.
එම නඩුව අද ප්රියන්ත ලියනගේ, විරාජ් වීරසූරිය හා තිලක රත්නබණ්ඩාර යන ත්රිපුද්ගල විනිසුරු මඩුල්ල හමුවේ කැඳවනු ලැබීය.
එම නඩුව අද උදෑසන 8.30ට මහාධිකරණය හමුවේ කැඳවු අවස්ථාවේ දී එම නඩුවේ දෙවැනි විත්තිකාර කපිල වික්රමනායක මහතා වෙනුවෙන් පෙනී සිටි ජ්යෙෂ්ඨ ජනාධිපති නීතිඥ සරත් ඒකනායක මහතා, කරුණු දක්වමින් සිය සේවාදායකයාට අද දින උදෑසන නාවල විවෘත විශ්වවිද්යාලයේ පැවැත්වෙන විභාගයකට පෙනී සිටීමට යෑමට අවසර ඉල්ලා සිටි අතර විනිසුරු මඩුල්ල එම ඉල්ලීමට අවසර ලබාදුනි.
ප්රතිචාරයක් ලබාදෙන්න